🚨 ‘ના ચોર, ના ચોરી!’ ઓલપાડ પોલીસની જબરદસ્ત સફળતા: નંબર વિનાની બાઈક પર આવતા સીરિયલ ચોરને દબોચ્યો, ૭ કેસ ફટાફટ ઉકેલાયા!

ઓલપાડ: ઓલપાડ તાલુકાના માસમા અને ઓલપાડમાં અન્ય સ્થળોએ છેલ્લા કેટલાક સમયથી ચોરીના બનાવોથી લોકોમાં ફેલાયેલા ડરનો અંત આવ્યો છે. ઓલપાડ પોલીસે બાતમીના આધારે એક સીરિયલ ચોરને ઝડપી પાડ્યો છે, જેણે કુલ સાત ચોરીની કબૂલાત કરી છે. પોલીસે તેની પાસેથી ચોરીનો રૂ. ૨,૪૧,૦૦૦નો મુદ્દામાલ પણ જપ્ત કર્યો છે.

સંખ્યાબંધ ચોરીઓનો આરોપી સકંજામાં

પોલીસને બાતમી મળી હતી કે એક ઈસમ નંબર વિનાની બાઈક પર શંકાસ્પદ રીતે ફરી રહ્યો છે. આ બાતમીના આધારે પોલીસે વોચ ગોઠવી તેને પકડી પાડ્યો હતો. પૂછપરછ દરમિયાન આ ઈસમે માસમા અને ઓલપાડમાં કરેલી કુલ ૭ ચોરીઓની કબૂલાત કરી હતી, જેમાંથી આ ચોરીઓનો માલ તેની પાસેથી મળી આવ્યો હતો.

કુલ રૂ. ૨.૪૧ લાખનો મુદ્દામાલ જપ્ત

ઓલપાડ પોલીસે પકડાયેલા ચોર પાસેથી ચોરીમાં ગયેલો નીચે મુજબનો માલ રિકવર કર્યો છે:

નંબર વિનાની બાઈક

મોબાઈલ ફોન

સોનાના પેન્ડલ

સોનાની વીંટી

ચાંદીના સાંકળા

સોનાની નાકની નથની

સોનાની કાનની બુટ્ટી

આ તમામ મુદામાલની કુલ કિંમત આશરે રૂ. ૨,૪૧,૦૦૦ આંકવામાં આવી છે.

ભરૂચ જિલ્લામાં પણ ગુનાહિત ઇતિહાસ

પોલીસ તપાસમાં એ પણ સામે આવ્યું છે કે, પકડાયેલો આ ઈસમ માત્ર ઓલપાડ પૂરતો જ મર્યાદિત નહોતો. તેનો ગુનાહિત ભૂતકાળ ભરૂચ જિલ્લા સાથે પણ જોડાયેલો છે. આ ઈસમ આ અગાઉ ભરૂચ જિલ્લાના અંકલેશ્વર જીઆઇડીસી, ભરૂચ સી ડિવિઝન અને પાનોલી પોલીસ સ્ટેશનમાં પણ ચોરીના ગુનાઓમાં પોલીસના હાથે પકડાઈ ચૂક્યો હતો.

ઓલપાડ પોલીસે ચોરીના સિરિયલ ગુનેગારને ઝડપી પાડી, ચોરીના બનાવોનો પર્દાફાશ કરીને નોંધનીય કામગીરી કરી છે, જેનાથી સ્થાનિક લોકોએ હાશકારો અનુભવ્યો છે.