મહાકુંભમાં સ્નાન કરતી મહિલાઓના અશ્લીલ વીડિયો મામલે પોલીસ કડક; પ્રયાગરાજમાં FIR નોંધાઈ
પોલીસના નિવેદન અનુસાર, સોશિયલ મીડિયા મોનિટરિંગ ટીમને જાણવા મળ્યું કે કેટલાક લોકો કુંભ મેળામાં મહિલાઓના સ્નાન અને કપડાં બદલતા વીડિયો કેટલાક સોશિયલ મીડિયા પ્લેટફોર્મ પર અપલોડ કરી રહ્યા હતા, જે તેમની ગોપનીયતા અને ગૌરવનું સ્પષ્ટ ઉલ્લંઘન હતું.
પ્રયાગરાજ: ઉત્તર પ્રદેશ પોલીસે પ્રયાગરાજમાં મહાકુંભમાં સ્નાન કરતી મહિલા યાત્રાળુઓના વાંધાજનક વીડિયો પોસ્ટ કરવા બદલ બે સોશિયલ મીડિયા એકાઉન્ટ્સ સામે કેસ નોંધ્યો છે. પોલીસના નિવેદન અનુસાર, સોશિયલ મીડિયા મોનિટરિંગ ટીમને જાણવા મળ્યું કે કેટલાક લોકો કુંભ મેળામાં મહિલાઓના સ્નાન અને કપડાં બદલતા વીડિયો કેટલાક સોશિયલ મીડિયા પ્લેટફોર્મ પર અપલોડ કરી રહ્યા હતા, જે તેમની ગોપનીયતા અને ગૌરવનું સ્પષ્ટ ઉલ્લંઘન હતું. આ પછી, કોતવાલી કુંભ મેળા પોલીસ સ્ટેશનમાં કેસ નોંધવામાં આવ્યા હતા અને કાયદેસરની કાર્યવાહી શરૂ કરવામાં આવી હતી.
મળતી માહિતી મુજબ, સોશિયલ મીડિયા પ્લેટફોર્મ અને ટેલિગ્રામ ચેનલો પર મહિલાઓના સ્નાન કરતી અને કપડાં બદલતી વખતે અશ્લીલ ફોટા અને વીડિયો વાયરલ થવાના કિસ્સામાં પોલીસ કાર્યવાહી કરી રહી છે. પ્રયાગરાજ પોલીસે આ અંગે કેસ નોંધ્યો છે.
ડીઆઈજી મહાકુંભ વૈભવ કૃષ્ણાએ એનડીટીવીને જણાવ્યું હતું કે, કેટલાક સોશિયલ મીડિયા પ્રોફાઇલ અને ગ્રુપ પર ગેરકાયદેસર પ્રવૃત્તિઓ કરવામાં આવી રહી છે. આ એક ફોજદારી કેસ છે અને બધા લોકોની ઓળખ કરવામાં આવી રહી છે અને FIR દાખલ કરવામાં આવી રહી છે.
આ કેસમાં, ગંભીર ગુના માટે IT એક્ટ અને BNS હેઠળ કેસ નોંધવામાં આવી રહ્યો છે અને ધરપકડ પણ કરવામાં આવશે. આમાં, વેચનાર અને ખરીદનાર બંનેની ધરપકડ કરવામાં આવશે. આવા કોઈપણ સોશિયલ મીડિયા પ્રોફાઇલ્સ આવી રહી છે અને તેમની સામે સતત કાર્યવાહી કરવામાં આવી રહી છે.
આ કેસમાં ગઈકાલે FIR દાખલ કરવામાં આવી હતી, જેમાં કેટલીક ટેલિગ્રામ ચેનલો અને કેટલીક ઇન્સ્ટાગ્રામ પ્રોફાઇલનો સમાવેશ થાય છે. અત્યાર સુધીમાં કુલ ૧૦૩ સોશિયલ મીડિયા પ્રોફાઇલ ઓળખાઈ ચૂકી છે.આમાં કેટલીક પ્રોફાઇલ્સ એવી છે જે ખોટા તથ્યોના આધારે સોશિયલ મીડિયા પર ભયનું વાતાવરણ ઉભું કરે છે. કુલ 26 સોશિયલ મીડિયા હેન્ડલ એવા છે જે અન્ય સ્થળોના વીડિયો શેર કરી રહ્યા છે અને તેમને મહાકુંભના હોવાનો દાવો કરી રહ્યા છે. તેમની સામે પણ કેસ નોંધવામાં આવ્યો છે.
